ڈیرہ بگٹی: سلنڈر پھٹنے سے 2 بچے جاں بحق، 3 خواتین سمیت 7 افراد زخمی

جعفر آباد (نامہ نگار + نوائے وقت رپورٹ) ڈیرہ بگٹی میں گیس لیکج کے باعث سلنڈر دھماکے میں دو بچے جاں بحق ہو گئے 3 خواتین سمیت 7 افراد شدید زخمی ہوگئے جنہیں فوری طور پر مقامی ہسپتال داخل کرایا گیا۔ خاتون نے گھر میں آگ جلانے کی کوشش کی تو اسی دوران زوردار دھماکہ ہو گیا۔ علاوہ ازیں تحصیل گنداخہ کے گوٹھ سعید خان رند میں صابر علی چانڈیو نے سیاہ کاری کے الزام میں اپنی بیوی مسمات یاسمین کو اس کے مبینہ آشنا علی گل چانڈیو سمیت قتل کردیا اور فرار ہوگیا۔
دھماکہ / قتل