اشرف غنی کا امریکہ سے افغان فضائیہ کو جدید بنانے کیلئے کردار ادا کرنے کا مطالبہ

کابل ( اے پی پی ) افغانستان کے صدر ڈاکٹر اشرف غنی نے ملکی فضائیہ کو جدید بنانے کیلئے امریکہ سے اپنا کردار ادا کرنے کا مطالبہ کیاہے۔افغان میڈیا کے مطابق گزشتہ روز امریکی کانگریس کے ایک وفد سے ملاقات کے دوران صدر اشرف غنی نے کہاکہ ملکی دفاع کو مضبوط بنانے کیلئے فضائیہ کو جدید بنانا ضروری ہے ۔ دریں اثناء افغان علماء کونسل نے سعودی عرب اورایران سے کشیدگی کے خاتمے کیلئے اقدامات کا مطالبہ کیاہے۔ افغان علماء کونسل نے بیان میں سعودی عرب اورایران کے درمیان سفارتی کشیدگی پر تشویش کا اظہارکیا۔