فنڈز کے اجرا میں تاخیر، قومی بلائنڈ کرکٹ ٹیم کی ایشیا کپ میں شرکت مشکوک

لاہور (سپورٹس رپورٹر+ نمائندہ سپورٹس) پاکستان بلائنڈ کرکٹ ٹیم کی پہلے ٹی ٹونٹی بلائنڈ ایشیا کپ ٹورنامنٹ میں شرکت مشکوک ہونے لگی ہے۔ پاکستان کرکٹ بورڈ نے 33 لاکھ روپے کے فنڈز ہی جاری نہیں کیے ہیں۔بلائنڈ ٹیم نے 15 جنوری کو بھارت روانہ ہونا ہے۔پی سی بی نے وزارت داخلہ کی اجازت سے فنڈز کو مشروط کر دیا ہے۔ چیئرمین پاکستان بلائنڈ کرکٹ کونسل سید سلطان شاہ کا کہنا ہے کہ پی سی بی نے ہمیں فارن افیئرز سے اجازت لینے کے لیے کہا تھا جو ہمیں پہلے سے مل چکی ہے۔