ماؤنٹ مونگانوئی (سپورٹس ڈیسک ) تیسرے ٹی ٹونٹی میچ میں نیوزی لینڈ نے بنگلہ دیش کو 27 رنز سے شکست دے کر میچ اور سیریز جیت لی۔مہمان ٹیم 195 رنز کے ہدف کے تعاقب میں مقررہ 20 اوورز میں چھ وکٹوں کے نقصان پر 167 رنز ہی بنا سکی۔بنگلہ دیش کی جانب سے تمیم اقبال اور سومیا سرکار نے اننگز کا آغاز کیا اور پہلی وکٹ کی شراکت میں 44 رنز بنائے۔مہمان ٹیم کی جانب سے سومیا سرکار نے چھ چوکوں کی مدد سے 42 اور شکیب الحسن نے چار چوکوں کی مدد سے 41 رنز بنائے۔نیوزی لینڈ کی جانب سے ٹرینٹ بولٹ اور آئی ایس سوڈھی نے دو دو جب کہ مچل سنٹر اور کیم ویلیم سن نے ایک ایک کھلاڑی کو پویلین کی راہ دکھائی۔اس سے پہلے نیوزی لینڈ نے چار وکٹوں پر 194 رنز بنائے۔ کین ویلیم سن اور جیمز نیشم نے پہلی وکٹ کی شراکت میں 34 رنز بنائے۔ کوری اینڈرسن نے دو چوکوں اور دس چھکوں کی کی مدد سے 94 رن ذبنائے اور آؤٹ نہیں ہوئے۔ روبیل حسین نے تین کھلاڑیوں کو آؤٹ کیا۔کورے اینڈر سن کو میچ کا بہترین کھلاڑی قرار دیاگیا ۔