سپورٹس بورڈ پنجاب نے ہاکی کھلاڑیوں کی رہائش کا مسئلہ حل کردیا

لاہور(نمائندہ سپورٹس+نمائندہ سپورٹس)پرو ہاکی لیگ کے لیے جاری تربیتی کیمپ میں شریک کھلاڑیوں کی رہائش کا مسئلہ حل کرنے کیلئے پاکستان ہاکی فیڈریشن نے دوبارہ سپورٹس بورڈ پنجاب سے رابطہ کیا ہے۔ کیمپ میں شریک پچاس سے زائد کھلاڑیوں کی رہائش کیلئے مزید کمرے دینے کی درخواست کی گئی ہے۔ ذرائع کے مطابق سپورٹس بورڈ حکام سے اپیل کی گئی ہے کہ ورلڈکپ کیمپ کے دوران جہاں کھلاڑیوں کو رہائش فراہم کی گئی تھی وہیں پرو لیگ کیلئے کیمپ میں شریک پلیئرز کو رہائش فراہم کی جائے۔ سپورٹس بورڈ پنجاب نے پاکستان ہاکی فیڈریشن کی درخواست منظور کرلی ہے۔قومی کھلاڑیوں کو آئندہ چند روز میں دوسرے کمروں میں منتقل کردیا جائے گا۔