عالمی شہرت یافتہ فٹبالرز لوئیس فیگو اور کاکا کل پاکستان پہنچیں گے

لاہور(سپورٹس رپورٹر+نمائندہ سپورٹس )عالمی شہرت یافتہ فٹبالرز لوئیس فیگو اور کاکا نے وزیراعظم عمران خان کے نام وڈیو پیغام بھیجا ہے۔فیگو اور کاکا پاکستان آنے کیلئے کافی پر جوش ہیں،پاکستان آمد سے قبل اپنے ویڈیو پیغام میں انہوں نے وزیر اعظم عمران خان کو مخاطب کرتے ہوئے کہا کہ ہیلو عمران خان ، آپ پاکستان میں ہیں، ہم پاکستان آرہے ہیں، آپ سے جلد ملاقات ہوگی۔برازیل کے کاکا اور پرتگال کے سابق کپتان لوئیس فیگو 10 جنوری کو پاکستان پہنچیں گے جس کے بعد وہ کراچی اور لاہور میں مداحوں سے ملیں گے اور ورلڈ سوکر سٹارز کا افتتاح بھی اعلان کریں گے۔واضح رہیورلڈ سوکر سٹارز کے دو میچز 26 اور 29 اپریل کو کراچی اور لاہور میں ہوں گے جس میں فیگو اور کاکا کے علاوہ دیگر سپر اسٹار فٹبالرز بھی ایکشن میں ہوں گے۔