پسکو(آئی این پی)پیرو میں 41ویں ڈکار کار ریلی کی افتتاحی ریس قطر کے ڈبل سابق چمپیئن ناصر العطیہ نے جیت لی۔افتتاحی صحرائی ٹریک والی ریس لیما اور پسکو کے درمیان تھی۔العطیہ نے یہ ریس ایک منٹ اور 59سیکنڈ میں سپین کے کارلوز سے جیتی جو ریس میں دوسرے نمبر جبکہ پولینڈ کے جیکب پرگونسکی تیسری پوزیشن پر رہے۔ اس ریس میں 13مرتبہ ڈکار ریلی جیتنے والے سٹیفین دوڑ میں ساتویں نمبر پر رہے۔ موٹر بائیک ریس میں سپین کے جون بریدا اول رہے جنہوں نے ایک منٹ اور 34 سیکنڈ میں فاصلہ طے کیا۔