لاہور (نمائندہ خصوصی) لاہور کوٹ لکھپت جیل میں نواز شریف سے مریم نواز نے ملاقات کی۔ ذرائع کے مطابق ملاقات نصف گھنٹہ جاری رہی، مریم نواز کے صاحبزادے جنید صفدر بھی ساتھ تھے۔ ذرائع کے مطابق ملاقات میں صحت، جیل میں فراہم کی گئیں سہولیات کے حوالے سے تبادلہ خیال اور کیسوں میں پیش رفت پر اور قانونی مشاورت بھی کی گئی۔ مریم نواز اپنے والد کیلئے کھانا اور ڈرائی فروٹ بھی لائیں۔ جیل ذرائع کے مطابق نواز شریف بالکل خیریت سے ہیں۔ ان کا روزانہ کی بنیاد پر میڈیکل چیک اپ کیا جاتا ہے۔