لاہور(نیوزرپورٹر)لاہور ویسٹ مینجمنٹ کمپنی کی جانب سے کلین اینڈ گرین مہم کے حوالے سے لکھو ڈیر لینڈ فل سائیٹ پر شجر کاری مہم کا آغا ز کیا گیا ۔اس مو قع پر چیئر مین ایل ڈبلیو ایم سی، ممبر بورڈ آف ڈائریکٹرز، ایم ڈی ایل ڈبلیو ایم سی، سینئر رہنما پاکستان تحریک انصاف، چئیر مین اور وائس چیئر مین پی ایچ اے، وائس چیئر مین واسا اور چیئر مین ایکسائز اینڈ ٹیکسیشن پنجاب نے شرکت کی۔ خصوصی شجر کاری مہم کا افتتاح چیئر مین ایل ڈبلیو ایم سی نے پودالگا کر کیا۔ ایم ڈی ایل ڈبلیو ایم سی اور چئیر مین پی ایچ اے سمیت تمام شرکا نے بھی پودے لگائے۔ اس موقع پر چیئر مین ایل ڈبلیو ایم سی کا کہنا تھا کہ صاف اور سر سبز پنجاب ویزاعظم پاکستان اور وزیر اعلیٰ پنجاب کے ویژ ن کی تکمیل ہے۔ صفائی اور شجرکاری مہم زور و شور سے شہر بھر میں جاری ہے اور صفائی اور شجر کاری کا کام مستقل بنیادوں پر قائم رہے گا اور اس اسلسلے میں 2000پودے لگائے جائینگے۔