سپین کے دارالحکومت میڈرڈ میں کئی دہائیوں بعد بدترین برفانی طوفان دیکھا گیا۔
غیر ملکی میڈیا کے مطابق سمندری طوفان کے ساتھ برفباری اور تیز ہواﺅں نے درخت جڑوں سے اکھاڑ ڈالے، کئی انچ برف پڑنے سے ہزاروں گاڑیاں راستوں میں پھنس گئیں۔
برفانی طوفان کے باعث میڈرڈ شہر کی ٹرین سروس معطل اور ائیرپورٹ بھی بند کر دیا گیا۔میڈرڈ انتظامیہ کی جانب سے لوگوں کو گھروں میں رہنے کی ہدایت کی گئی ہے اور متاثرہ علاقوں میں امدادی کارروائیاں شروع کر دی گئی ہیں۔
