سانحہ مری میں 20 سے زائد اموات پرکرکٹرز کا بھی اظہار افسوس

کراچی (اسپورٹس رپورٹر)ملک کے سیاحتی مقام مری کے برفانی طوفان میں 20 سے زائد افراد کی اموات پر اسٹار کرکٹرز نے بھی افسوس کا اظہار کیا ہے۔سابق کپتان شاہد آفریدی نے ٹوئٹ میں کہاکہ مری میں جو ہوا انتہائی افسوسناک ہے، انتظامیہ کے ناکافی انتظامات اور لوگوں کی آمد و رفت مانیٹر کرنے ضرورت تھی۔انہوں نے مزید لکھا کہ  دوسری طرف موسم کی شدت لیکن عوام کو رویہ تبدیل کرنے کی ضرورت ہے، شعیب ملک کا کہنا تھاکہ وہ مری کے دلخراش مناظر دیکھ کر بہت افسردہ ہیں،مری سانحے پر محمد حفیظ نے بھی ٹوئٹ کرکے تعزیت کا اظہار کیا ہے۔