لاہور (نامہ نگار) ڈاکوؤں اور چوروں نے وارداتوں کے دوران متعدد شہریوں سے لاکھوں روپے‘ زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ کاہنہ میں چوروں نے  ارسلان کے گھر کے تالے توڑ کر 7لاکھ،  زیورات اور گھریلو سامان چوری کر لیا۔ ڈاکوؤں نے  شیراکوٹ میں جمشید سے 1لاکھ اور موبائل فون، رنگ محل میں سمیر سے 22 ہزار اور موبائل فون، جوہر ٹاؤن میں ایان سے  40ہزار اور موبائل فون، گرین ٹاؤن میں  رفیع الدین سے 15ہزار اور موبائل فون، شاہدرہ ٹاؤن میں بشارت سے 17ہزار اور موبائل فون، ہربنس پورہ میں وجاہت سے گن پوائنٹ پر 20ہزار اور موبائل فون، نواں کوٹ میں اسماعیل سے  8ہزار اور موبائل فون، غازی آباد میں منیب سے گن پوائنٹ پر 90  ہزار اور موبائل فون، مصطفی ٹاؤن میں فیصل سے 20 ہزار اور موبائل فون لوٹ لیا۔ چوروں نے شالیمار اور ماڈل ٹاؤن سے دو گاڑیاں جبکہ داتا دربار، نشترکالونی، قائد اعظم انڈسٹریل اسٹیٹ، گلبرگ، مغلپورہ ، ٹاؤن شپ، سبزہ زار، شاہدرہ، بھاٹی گیٹ اور قلعہ گجر سنگھ سے دس موٹر سائیکلیں چوری کر لیں۔