راولپنڈی: پولیس مقابلے میں ڈاکو‘ نہ رکنے پر مسلح ملزم ہلاک

راولپنڈی/ اسلام آباد (اپنے سٹاف رپورٹر سے) تھانہ کراچی کمپنی کے علاقہ جی نائن ون اور پیرودھائی کے علاقے میں ایک ڈاکو‘ ایک مسلح ملزم مارے گئے۔ پولیس نے بتایا کہ تین ڈاکو جی ٹین میں ایک واردات کے بعد فرار ہو رہے تھے۔ پولیس نے اطلاع ملتے ہی تعاقب کیا تو ڈاکوئوں نے پولیس اہلکاروں پر اندھا دھند فائرنگ کر دی اور جوابی فائرنگ میں ایک ڈاکو مارا گیا۔ سپاہی کامران زخمی ہے۔ تھانہ پیرودھائی کے علاقہ میں ناکہ پر مسلح موٹر سائیکل سوار ملزمان نے پولیس پارٹی پر فائرنگ کر دی جس سے دو اہلکار زخمی ہوگئے جبکہ جوابی فائرنگ کے دوران ایک  ملزم ہلاک ہو گیا۔ زخمی اہلکاروں میں صداقت اور علی رضا شامل ہیں۔