نشتر کالونی میں سسرالیوں کے مبینہ تشدد سے خاتون جاں بحق

لاہور (نامہ نگار) نشتر کالونی کے علاقے میں سسرالیوں کے مبینہ تشدد سے خاتون جاں بحق ہو گئی ہے ۔ پولیس نے مقتولہ کے بھائی کی مدعیت میں شوہر اور سسرالیوں کے خلاف مقدمہ درج کر لیا ہے۔ تفصیلات کے مطابق نشتر کالونی میں سسرالیوں کے مبینہ تشدد سے خاتون  عمارہ جاں بحق ہو گئی ہے۔ متوفیہ کے ورثاء کے مطابق گوجرانوالہ کی رہائشی عمارہ کی شادی پندرہ سال قبل ارشد سے ہوئی تھی۔ گھریلو معاملات پر عمارہ پر اس کے شوہر، دیور اور دیورانی کی جانب سے مبینہ تشدد کیا گیا۔ تشدد کے بعد عمارہ کو زہریلی شے پلائی گئی۔ عمارہ کو تشویشناک حالت میں ہسپتال منتقل کیا گیا، مگر وہ جانبر نہ ہو سکی اور اس نے دم توڑ دیا ہے۔