یوٹیلٹی اسٹور پر ڈاکوؤں کی چڑھائی  اسلحے کے زور پر 2 لاکھ لوٹ کر فرار 

نواب شاہ (بیورو رپورٹ ) یوٹیلٹی اسٹور پر ڈاکوؤں کی چڑھائی اسلحے کے زور پر 2 لاکھ روپے لوٹ کر فرار ،مزاحمت پر اسٹور منیجر کو زدکوب بھی کیا۔ بوچھیری روڈ پر واقع یوٹیلٹی اسٹور پر 4مسلح افراد داخل ہوئے اور کاؤنٹر پر کھڑے اسٹور منیجر کو یرغمال بنا کر 2 لاکھ روپے لوٹ لئے،اسی دوران یوٹیلیٹی اسٹور پر آنے والے صارفین کو بھی اسلحہ کے زور پر اسٹور کے ایک کونے پر جمع کرتے رہے اور لوٹ مار کرکے باآسانی فرار ہوگئے۔