نوشہرہ ورکاں: 22 یونین کونسلز کی  ابتدائی حلقہ بندیاں جاری

نوشہرہ ورکاں (نمائندہ نوائے وقت) الیکشن کمیشن نے 2017 کی مردم شماری کی بنیاد پر بلدیاتی انتخابات کے لئے نئی حلقہ بندیوں کی ابتدائی فہرست جاری کر دی جس کے مطابق تحصیل نوشہرہ ورکاں کے دیہاتی علاقے کی 20 اور شہر کی 2 یونین کونسلیں بنائی گئی ہیں، ہر یونین کونسل 25 ہزار کی آبادی پر مشتمل ہے  نئی حلقہ بندیاں سابقہ حلقوں سے یکسر مختلف ہیں جس سے آج کے سیاسی حلیف کل کے حریف اور آج کے حریف کل کے حلیف بنتے نظر آ رہے ہیں نئی حلقہ بندیوں پر اعتراضات 9 سے 23 جنوری تک داخل کئے جا سکتے ہیں اعتراضات پر فیصلے 3 فروری تک مکمل ہونگے جبکہ 12 فروری کو حلقہ بندیوں کی حتمی لسٹ آویزاں کر دی جائے گی ۔