سانگلہ ہل (نمائندہ خصوصی) پاکستان مسلم لیگ (ن) یوتھ ونگ کے ضلعی صدر امیدوار پی پی 131 حاجی عرفان الحسن بھٹی نے کہا ہے کہ (ن) لیگ مریم نوازکی قیادت میں مزیدمضبو ط جماعت بنے گی، نواز شریف جلد پاکستان آئیں گے،حکومت اپنی مدت پوری کرے گی، لیگی کارکن الیکشن کیلئے ہمہ وقت تیار ہیں،مریم نواز شریف کا مرکزی چیف آرگنائزر، سینئر نائب صدر بننا مسلم لیگ(ن)کیلئے بڑا اعزاز ہے۔ان خیالات کا اظہار انہوں نے میڈیا سے گفتگو کرتے ہوئے کیا انہو ں نے کہاکہ مریم نواز شریف کو پارٹی کا مرکزی آرگنائزر اور نائب صدر مقرر ہونے پر ملک میں پارٹی مزید منظم متحرک اور فعال ہوگی تو دوسری طرف سیاسی میدان میں بھی نواز لیگ اپنی بھرپور افرادی قوت کا مظاہرہ کرسکے گی، پارٹی قیادت نے جو فیصلہ کیا ہے یہ کارکنوں کی خواہش اور حالات کا عکاس ہے۔انہو ں نے کہاکہ مریم نواز کا نوٹیفکیشن کر کے نواز شریف نے بہت اچھا فیصلہ کیا ہے مریم نواز کا نوٹیفکیشن دراصل ملکی ترقی کا نوٹیفکیشن ہے۔
مریم نواز نے ان مقدموں میں جیلیں کاٹی جو جرم انہوں نے کئے بھی نہیں تھے مریم نواز تنظیم سازی کرکے پارٹی کو مزید فعال بنائیں گی۔
