لاہور (کامرس رپورٹر)نیو میٹروسٹی ہاؤسنگ سوسائٹی کے کنٹری ہیڈ زرعون مسعود نے کہا مستحکم معیشت کیلئے ہاؤسنگ سیکٹرز پر توجہ دینے کی ضرورت ہے۔بی ایس ایم ڈویلپرز نیو میٹرو سٹی ہاؤسنگ سوسائٹی منصوبے کے آغاز سے ہم عوام کو بین الاقوامی معیار کا جدید رہائشی ماحول فراہم کر رہے ہیں۔ان خیالات کا اظہار انہوں نے گزشتہ روز نیومیٹروسٹی ہاؤسنگ سوسائٹی کھاریاں میں ایفل ٹاور کے افتتاح پرکیا۔اس موقع پر آتشبازی کی گئی جبکہ نامور گلوکار ابرارالحق نے شائقین کے دل جیت لئے۔تقریب میں مقامی فنکاروں‘ نیومیٹروسٹی ہاؤسنگ سوسائٹی کھاریاں کے پراجیکٹ ڈائریکٹر بریگیڈیئر( ر)محمود اختر، افسران ‘رئیل اسٹیٹ کی کاروباری اور سماجی شخصیات،تاجر ر ہنماؤں اور عوام نے کثیر تعداد میں شرکت کی۔ تقریب میں مزیدار کھانوں کے سٹالز لگائے گئے ‘بچوں نے جھولوں سے لطف اٹھایا۔ زرعون مسعود نے مزید کہا کہ چیئرمین بی ایس ایم ڈویلپرز فرخ شہزاد ملک، سی ای ا وبلال بشیر ملک کی سربراہی میں نیو میٹرو سٹی ہاؤسنگ سوسائٹی کھاریاں ،گوجرخان،منڈی بہاؤالدین کا جدید طرز پر تعمیراتی کام تیزی سے جاری ہے۔