پاکستان اور سری لنکا کے درمیان جاری تیسرے ٹیسٹ کے دوسرے روز کا کھیل بارش کے باعث نہ ہوسکا۔ جس کے باعث میچ کے نتیجہ خیز ہونے کے امکانات بھی کم ہوتے دکھائی دیتے ہیں۔ اس سے قبل پہلے روز کھیل کے اختتام پر سری لنکا نے پاکستان کے دو سو چھبیس رنز کے جواب میں تین وکٹوں کے نقصان پر چوالیس رنز سکور کرلئے تھے۔ سری لنکا کو پہلی اننگز میں ایک سو بیاسی رنز کے خسارے کا سامنا ہے جبکہ اسکی سات وکٹیں باقی ہیں۔