لاہور ڈسٹرکٹ سوئمنگ چیمپئن پنجاب سکول نے جیت لی

لاہور (سپورٹس رپورٹر) لاہور ڈسٹرکٹ سوئمنگ چیمپئن شپ پنجاب سکول نے جیت لی۔ واپڈا کے تیراک دوسرے نمبر پر رہے۔ ماڈل ٹاﺅن کلب میں ہونیوالے سوئمنگ مقابلوں میں شہربھر کے دس سکولوں نے حصہ لیا جبکہ سینئر کیٹگری میں بھی پروفیشنل تیراکوں نے اپنی صلاحیتوں کے جوہر دکھائے۔ پنجاب سکول کے تیراکوں نے انڈر سیکسٹین، انڈر ایٹین اور انڈر ایٹ مقابلوں میں کامیابی حاصل کرکے پہلی پوزیشن حاصل کی جبکہ واپڈا ٹیم دوسرے نمبرپ رہی۔ پروفیشنل کیٹگری کے پچاس میٹر فری سٹائل مقابلوں میں حسن کامران نے پہلی، نعمان عظیم نے دوسری اور شان لاشاری نے تیسری پوزیشن حاصل کی۔ پچاس میٹر بیک سٹروک مقابلے میں انیس بن زبیر پہلے، ذیشان جاوید دوسرے اوراحمد طارق تیسرے نمبر پر رہے۔ فری سٹائل کیٹگری میں عمران نعیم کی پہلی، یحییٰ نعیم دوسری اور یاسر محمود تیسری پوزیشن حاصل کرنے میں کامیاب رہے۔