اسلام آباد ( اپنے سٹاف رپورٹرسے) اسلام آباد کے علاقے ترنول کے قریب فتح جنگ روڈ پر مسافر وین اور کوسٹر کے درمیان خوفناک تصادم میں 6افراد جاں بحق اور 17شدید زخمی ہوگئے جنہیں پمز اور پولی کلینک ہسپتالوں مےں منتقل کر دیا گیا ہے، بعض زخمیوں کی حالت تشویشناک بتائی جاتی ہے جس سے ہلاکتوں میں اضافے کا خدشہ ہے۔ تفصیلات کے مطابق بدھ کو ترنول کے قریب فتح جنگ روڈ پر خیبر پی کے شہر بنوں سے آنے والی مسافر وین اور اسلام آباد سے فتح جنگ جانے والی مسافرکوسٹر تیز رفتاری کے باعث آپس میں ٹکرا گئیں۔ اس خوفناک حادثے میں 20 افراد موقع پر ہی جاں بحق ہوگئے جبکہ 22 سے زائد افراد زخمی ہوئے۔ ریسکیو ٹیمیں فوری طور پر نہ پہنچ سکیں، عوام نے اپنی مدد آپ کے تحت زخمیوں کو اپنی گاڑیوں میں ڈال کر اسلام آباد میں پمز اور پولی کلینک ہسپتالوں میں منتقل کیا، جہاں متعدد زخمیوں کی حالت تشویشناک بتائی جاتی ہے۔ پولیس کے مطابق حادثہ تیز رفتاری کے باعث پیش آیا، مخالف سمت سے آنے والے مسافر وین اوورٹیک کرتے ہوئے آپس میں ٹکرا گئیں۔ حادثے میںدونوں گاڑیوں کے ڈرائیور بھی اس حادثے میں جاں بحق ہوگئے اور دونوں گاڑیاں بھی بری طرح تباہ ہوئی ہیں۔ پولیس نے بتایا کہ دونوں گاڑیوں کے ڈرائیوروں کے خلاف مقدمہ درج کر کے مزید تحقیقات شروع کر دی گئی ہیں۔ ایس ایس پی ٹریفک اسلام آباد ملک مطلوب اعوان نے بتایا کہ حادثہ نوگزی کے مقام پر فتح جنگ اور ترنول کے درمیان سنگل روڈ پر پیش آیا۔ پمز ہسپتال میں داخل گیارہ زخمیوں میں سات مرد‘ تین خواتین اور بچے شامل ہیں۔
اسلام آباد/ حادثہ