بھارت نے پاکستان کے ساتھ سرحدوں پر ’’آپریشن سدھرشن ‘‘ کا آغاز کر دیا

سرینگر (آن لائن) پاکستان کے ساتھ لگنے والی سرحد پر بھارتی بارڈر سکیورٹی فورسز نے امکانی دراندازی کو ٹالنے کے لئے مشقیں شروع کر دیں ۔بھارتی میڈیا کے مطابق ذرائع کا کہنا ہے کہ جموں اور پنجاب میں پاکستان کے ساتھ لگنے والی سرحدوں پر جدید ہتھیاروں اور مشینری سے لیس ہزاروں اہلکاروں کو تعینات کیا گیا ہے ۔ لائن آف کنٹرول اور بین الاقوامی سرحد پر دراندازوں سے نمٹنے کی خاطر باڈر سکیورٹی فورسز نے یکم جولائی سے آپریشن ’’ سدھرشن ‘‘ کے تحت مشقوں کا آغاز کیا ۔ رپورٹ کے مطابق آپریشن کے دوران فورسز اہلکاروں کو سہارا لے کر دراندازوں کو مار گرانے کی تربیت فراہم کی جا رہیہے ۔ رپورٹ کے مطابق آپریشن میں ہزاروں کی تعداد میں فوجی اہلکار حصہ لے رہے ہیں ۔ رپورٹ کے مطابق بی ایس ایف کے ایک سینئر آفیسر نے اس کی تصدیق کرتے ہوئے بتایا کہ مشقوں کے دوران بی ایس ایف کے اہلکار کو دراندازی پر قابو پانے کے سلسلے میں نئی ترکیبیں فراہم کی جا رہی ہیں۔