ڈائریکٹر حج طارق رحمانی نے کہا ہے کہ چوالیس حج پروازوں کے ذریعے نو ہزار آٹھ سو پچاسی عازمین حج مدینہ منورہ پہنچ گئے ہیں۔
مدینہ منورہ میں صحافیوں سے گفتگوکرتے ہوئے انہوں نے کہا کہ حکومت سرکاری حج سکیم کے تحت عازمین حج کو تمام سہولیات کی فراہمی یقینی بنا رہی ہے۔انہوںنے کہاکہ عازمین حج مدینہ منورہ میں آٹھ روز قیام کے بعدمکہ مکرمہ روانہ ہوں گے۔انہوں نے کہاکہ عازمین حج کو حرم نبوی کے قریب ترین علاقے مرکزیہ میں رہائش دی گئی ہے جہاں انہیں تین وقت کھانا، طبی امداد اوردیگرسفری دستاویزات فراہم کئے جارہے ہیں۔انہوں نے کہا کہ کسی بھی معلومات، رہنمائی یا شکایت کے لئے ہیلپ لائن نمبر 8001166622 پر رابطہ کیا جا سکتا ہے۔