اسلام آباد (سپورٹس رپورٹر) چین کے شہر کنگ ڈائو میں آئی بی ایس ایف ورلڈ جونیئر انڈر21-سنوکر چیمپیئن شپ شروع ہو گئی، چیمپیئن شپ میںپاکستان کی نمائندگی قومی جونیئر انڈر18-چیمپیئن محمد مدثر شیخ اورقومی جونئیر انڈر21-چیمپیئن علی حیدر پاکستان کی نمائندگی کررہے ہیں۔ شینڈر41-سنوکر اکیڈیمی راولپنڈی( صوبہ پنجاب) سے تعلق رکھنے والے مد ثر شیخ اور گوجرانوالہ سے تعلق رکھنے والے علی حیدرپہلی بار کسی انٹر نیشنل ایونٹ میں ملک کی نمائندگی کر رہے ہیں ۔مدثر شیخ نے جمعہ کو شروع ہونے والی چیمپیئن شپ کے پہلے لیگ میچ میںچین کے کھلاڑیلیو ہانگ یو کو کو3-0سے ہرایاٰ۔ سکور یہ رہا: 51-33، 67-59اور67-60، ہفتہ کو علی حیدر ایران اور چین کے کھلاڑیوں سے دو میچز کھیلیں گے جبکہ مدثر شیخ اپنا دوسرا لیگ میچ اتوار کو تھائی کھلاڑی کے مد مقابل ہوں گے۔