وزیراعظم عمران خان نے مشیرخزانہ حفیظ شیخ کے اختیارات کم کردیئے اور حفیظ شیخ سے ریونیو ڈویژن کا قلمدان واپس لے کر حماد اظہر کو دے دیا گیا۔
تفصیلات کے مطابق وزیراعظم عمران خان نےمشیرخزانہ حفیظ شیخ کےاختیارات کم کرتے ہوئے ریونیو ڈویژن کاقلمدان واپس لے لیا اور حماد اظہر کو وفاقی وزیر ریونیو ڈویژن کا قلمدان دے دیاگیا۔
حفیظ شیخ کے ریونیوڈویژن قلمدان کی سبکدوشی کا نوٹیفکیشن جاری کردیا گیا ہے۔
گذشتہ روز ایوان صدر میں حلف برداری کی تقریب میں صدر مملکت نے حماد اظہر سے وفاقی وزیر کے عہدے کا حلف لیا تھا۔
واضح رہے کہ وزیر اعظم عمران خان نے حماد اظہر کو وفاقی وزیر بنانے کی منظوری دیتے ہوئے سمری ایوان صدر کو ارسال کی تھی جہاں صدر مملکت نے منظور کیا۔
اس سے قبل وہ وزیر مملکت برائے ریونیو کی حیثیت سے کام کر رہے تھے۔
خیال رہے وزیراعظم قومی اسمبلی میں اظہار خیال کرتے ہوئے کہا تھا کہ حماد اظہر نے خود کو وفاقی وزیر کے لیے اہل ٹھہرایا ہے، مراد سعید سمیت وزرا کو ایوان میں تقاریر پر خر اج تحسین پیش کرتا ہوں۔