اسلام آباد(خصوصی نامہ نگار)25 ویں چیف آف دی نیول سٹاف اوپن گالف چیمپئن شپ شروع ہوگئی ۔ چیمپئن شپ کے آغاز سے قبل کی افتتاحی تقریب کا انعقاد کیا گیا۔ چیمپئن کمانڈر کراچی رئیر ایڈمرل اویس احمد بلگرامی افتتاحی تقریب کے مہمان خصوصی تھے۔ ترجمان پاک بحریہ  کے مطابق پیٹرن پاکستان نیوی گالف کموڈور محمد وقار نے چیمپئن شپ کی تفصیلات سے آگاہ کیا۔ چیمپئن شپ کا انعقاد کراچی گالف کلب میں 8 سے 11 جولائی تک ہو گا۔ چیمپئن شپ پروفیشنلز، جونیئر پروفیشنل، امیچور، سینئرز، ویٹرنز، اور خواتین کی کیٹیگریز میں کھیلی جائے گی۔ چیمپئن شپ کی انعامی رقم 8.5 ملین روپے ہے۔ ترجمان کے مطابق پاک بحریہ ملک میں کھیلوں کے فروغ کے لئے مسلسل مصروف عمل ہے۔