شہری دو گاڑیوں اوردو موٹر سا ئیکل، قیمتی اشیاء سے محروم

اسلام آباد(اپنے سٹاف رپورٹر سے)شہریوں کو دو گاڑیوں اوردو موٹر سا ئیکل سمیت قیمتی اشیاء سے محروم کر دیا گیا تھانہ آئی نائن کو محمد قاسم نے بتایا کہ میرے گھر کے تالے توڑ کر ساڑھے دس لاکھ روپے کی نقدی چوری کرلی گئی تھانہ بہارہ کہو کو سلامت سندھو نے بتایا کہ شاہدرہ میں دوڈاکو مجھے اور میرے دوستوں سے ڈیڑھ لاکھ روپے کی نقدی اور تین موبائل فون چھین کر فرار ہوگئے تھانہ نون کو اظہر الیاس نے بتایا کہ میرے گھر میں دو ڈاکو داخل ہوئے اور گن پوائنٹ پر فیملی کو یرغمال بنا کر نقدی، زیورات لیپ ٹاپ مالیتی 2لاکھ 48ہزار روپے چھین کر فرار ہوگئے تھانہ آئی نائن کو محمد اقبال نے بتایا کہ دو موٹر سائیکل سوار مجھ سے موبائل فون چھین کر فرار ہوگئے تھانہ کراچی کمپنی کوعلی کامران نے بتایا کہ جی نائن سے مدعی کی گاڑی DNA-5150، تھانہ کوہسار کے علاقے بلیو ایریا سے دانش علی کی گاڑی اپلائیڈ فار، تھانہ آئی نائن کے علاقے چنار پارک سے قیصر عباس کا موٹر سائیکل UL-182، تھانہ کراچی کمپنی کے علاقے جی نائن ٹو سے اسد سرور کا موٹر سائیکل APM-626چوری ہوگئے ۔