ملتان ( لیڈی رپورٹر) ماہر تعلیم و ادیب، صدر نظریہ پاکستان فورم  پروفیسر ڈاکٹر حمید رضا صدیقی،  مخدوم شعیب اکمل قریشی ہاشمی،  ملک جہانگیر احمد انصاری، میاں محمد ماجد،نعیم اقبال نعیم اور عمران اعظمی نے کہا ہے کہ مادرملت نے تحریک پاکستان میں خواتین کی قیادت کی اور قیام پاکستان میں بھرپور کردار ادا کیا وہ ہماری رول ماڈل تھیں اور آج کی نئی نسل خواتین کیلئے وہ ہمیشہ رول ماڈل رہیں گی ہمیں نئی نسل کو ان کی تعلیمات اور خدمات سے روشناس کروانا ہوگا۔محترمہ  فاطمہ جناح  با اُصول لیڈر اورمحب وطن  تھیں۔ ان خیالات کا اظہار انہوں نے ینگ پاکستانیز آرگنائزیشن ‘پنجاب اوورسیز پاکستانیز کمیشن ملتان اور نظریہ پاکستان فورم ملتان کے زیر اہتمام شمع بناسپتی وکوکنگ آئل ملتان اور ویزواش ملتان کے تعاون سے مادر ملت محترمہ فاطمہ جناح  کے 54 ویں یوم وفات کے موقع پر سہہ روزہ تقریبات کے پہلے روز منعقدہ  کانفرنس سے خطاب میں کیا۔ مقررین نے کہا جو قومیں اپنے ہیروز کو بھلادیتی ہیں رسوائی ان کا مقدر بن جاتی ہے۔ہمیں اپنی نئی نسل کو تحریک پاکستان کے اکابرین ومشاہیر سے متعارف کروانا ہوگا۔