فیصل آباد (نمائندہ خصوصی) ٹریفک کے المناک حادثہ میں ماں بیٹی سمیت تین افراد جاں بحق ہو گئے جبکہ ایک بچہ شدید زخمی ہو گیا۔ جھمرہ روڈ پر نشاط آباد پل کے قریب تیز رفتار آئل ٹینکر ڈرائیور نے غفلت اور لاپرواہی کا مظاہرہ کرتے ہوئے موٹر سائیکل سوار فیملی کو کچل دیا جس کے نتیجے میں سلطان نگر جھمرہ روڈ کی رہائشی چونتیس سالہ یاسمین بی بی ِ، اس کی آٹھ سالہ بیٹی اریبہ بی بی اور پندرہ سالہ ارمان موقع پر ہی دم توڑ گئے جبکہ نوید کا بارہ سالہ بیٹا عبدالصالح شدید زخمی ہو گیا۔ ریسکیو 1122 ٹیم نے زخمی بچے کو تشویشناک حالت میں ہسپتال منتقل کر دیا ہے۔