اسلام آباد(این این آئی)مشیر امور کشمیر قمر زمان کائرہ نے شہید کشمیری نوجوان برہان مظفر وانی کی چھٹی برسی کے موقع پر شہید کو زبردست خراج عقیدت پیش کرتے ہوئے کہاہے کہ  برہان مظفر وانی شہید مقبوضہ کشمیر میں بھارتی بربریت کے خلاف مزاحمت کی ایک بے مثال علامت ہیں۔ انہوںنے کہاکہ برہان وانی نے مقبوضہ کشمیرکی پڑھی لکھی نوجوان نسل میں جدوجہد کی ایک نئی روح پھونکی، برہان مظفر وانی جیسے لاکھوں نوجوان اپناحق خودارادیت حاصل کرنے کے لیے پرْ عزم ہیں۔ قمر زمان کائرہ نے کہاکہ قابض بھارتی افواج کشمیریوں بلخصوص نوجوانوں کا بے دریغ قتل عام کررہی ہیں، مقبوضہ وادی میں روزانہ نہتے کشمیری نوجوانوں کو نام نہاد سرچ آپریشنز میں شہید کردیا جاتا ہے۔