لاہور(نامہ نگار)پاکستان پیپلز پارٹی لاہور کے سینئر نائب صدر محمد اشرف بھٹی نے کہا ہے کہ بڑے دکھ اور افسوس سے کہنا پڑے گا کہ بارشی پانی اور کرنٹ لگنے سے قیمتی انسانوں کی جانیں ضائع ہو گئی ہیں۔ ہمیں نکاسی آب کے سسٹم کو دور جدید کے تقاضوں کو سامنے رکھ کر اپ گریڈ کرنا ہوگا اور ایسا نظام لانا ہوگا کہ بارشی پانی نہ صرف جمع ہو سکے بلکہ اس پانی کو ریفائن کرکے استعمال بھی کیا جا سکے اور اس سے بجلی بھی بنائی جا سکے بلا شبہ جون اور جولائی کے مہینے میں بارشوں کا ہونا شدید گرمی میں کسی بھی نعمت سے کم نہیں لیکن ہمیں اس نعمت کو زحمت بننے سے روکنا ہوگا۔