لاہور (لیڈی رپورٹر) میٹر ک بورڈزنتائج2024 میں الائیڈ سکولز اورپنجاب کالج )سکول ڈویژن( کے طلباء نے شاندار کارکردگی کا مظاہرہ کرتے ہوئے 7 پوزیشنز حاصل کر لیں۔ پنجاب کالج تلہ گنگ چکوال کی ہونہار طالبہ اقصیٰـ نور نے راولپنڈی بورڈ میں 1185نمبروں کے ساتھ مجموعی طور پر پہلی پوزیشن اپنے نام کی ‘ الائیڈ سکول شیخوپورہ کی عبیرہ اصغر نے لاہور بورڈ میں1179نمبروں کیساتھ مجموعی طور پر تیسری پوزیشن حاصل کی۔ دونوں طالبات سائنس گروپ میں بالترتیب پہلی اور دوسری پوزیشن کی حقدار ٹھہریں۔ الائیڈ سکول بورے والا اور کبیر والا کی رمشا رفیق اور انزہ سلطان ملتان بورڈمیںسائنس گروپ میں تیسری پوزیشنز کی حقدار ٹھہریں جبکہ پنجاب کالج تلہ گنگ کے محمد واصل مینام نے سائنس گروپ (بوائز) میںتیسری پوزیشن حاصل کی ۔پوزیشن ہولڈرزنے اپنی کامیابی کو والدین کی دعائوں، اساتذہ  کی بہترین رہنمائی اور اپنی محنت کا صلہ قرار دیا۔