لاہور(سپورٹس رپورٹر)پاکستان کے سابق لیگ سپنر مشتاق احمد نے انگلینڈ میں کوچنگ کی ذمہ داریاں سنبھال لیں۔مشتاق احمد 2روز قبل انگلینڈ پہنچے اور گزشتہ روز کوچنگ کا آغاز کیا، ان کو انگلینڈ کے انڈر 19کوچنگ پینل میں شامل کیا گیا ہے۔سابق لیگ سپنر مشتاق احمد نوجوان بولرز کے ساتھ انگلینڈ ٹیم کے بولروں کے ساتھ بھی کام کریں گے۔ وہ ماضی میں انگلینڈ کرکٹ ٹیم کے ساتھ کام کر چکے ہیں۔اس حوالے سے گفتگو کرتے ہوئے مشتاق احمد نے کہا کہ انگلینڈ میں دوبارہ ذمہ داریاں سنبھالنے پر پرجوش ہوں۔ اب نوجوانوں کے ساتھ کام کرنے کا موقع مل رہا ہے۔ریحان احمد سمیت انگلینڈ کے دیگر بولروں کیساتھ بھی کام کروں گا۔