لیجنڈ فارمولا ون ڈرائیور لوئیس ہملٹن نے برٹش گراں پری جیت لی

لاہور(سپورٹس رپورٹر)برطانیہ کے لیجنڈ فارمولا ون ڈرائیور لوئیس ہملٹن نے برٹس گراں پری جیت لی۔برٹش گراں پری 2024 کی 52 لیپس پر مشتمل ریس میں لوئیس ہملٹن کا ٹاپ ریسر میکس ورسٹاپن اور لینڈو نورس کے ساتھ سخت مقابلہ رہا۔ تاہم ہوم وینیو پر ہملٹن نے اپنے تجربے اور مہارت کا خوب استعمال کیا اور کامیابی اپنے نام کی۔ ورسٹاپن دوسرے اور نورس تیسرے نمبر پر رہے۔ یہ 3 سال بعد ان کی پہلی اور کیریئر کی مجموعی طور پر 104ویں فتح ہے۔ لوئیس ہملٹن نے نویں مرتبہ برٹش گراں پری جیتی ہے۔انہوں نے اس سے قبل آخری بار 2021میں سعودی گراں پری میں کامیابی حاصل کی تھی۔فارمولا ون سیزن 2024میں 12ریس مکمل ہونے کے بعد نیدرلینڈز کے میکس ورسٹاپن 255پوائنٹس کے ساتھ پہلی پوزیشن پر ہیں، لینڈو نورس 171پوائنٹس کے ساتھ دوسری پوزیشن پر ہیں ۔