قومی سکواش ٹیم ورلڈ جونیئر چیمپئن شپ کیلئے آج امریکہ روانہ ہوگی

لاہور(سپورٹس رپورٹر)قومی سکواش ٹیم ورلڈ جونیئر سکواش چیمپئن شپ میں شرکت کیلئے آج امریکہ روانہ ہوگی۔ پاکستان سکواش فیڈریشن کے مطابق ڈبلیو ایس ایف ورلڈ جونیئر انفرادی اور ٹیم سکواش چیمپئن شپ 12سے 23 جولائی 2024 تک ہیوسٹن (امریکہ)میں ہوگی۔ ورلڈ جونیئر چیمپئن شپ میں محمد حمزہ خان پاکستانی ٹیم کی قیادت کریں گے جبکہ دیگر کھلاڑیوں میں محمد عماد، حذیفہ ابراہیم اور عبداللہ نواز شامل ہیں ۔ آفیشلز میں فہیم گل خان بطور کوچ ٹیم کے ساتھ ہوں گے۔ انفرادی ایونٹ 12سے 16جولائی تک کھیلا جائے گا۔ اس کے بعد 17سے 23جولائی 2024 تک ٹیم چیمپئن شپ ہوگی۔