کراچی: بہن کو گولی مارکرقتل کرنے والا ملزم گرفتار

 اتحاد ٹاؤن میں بہن کو گولی مارکر قتل کرنے والے ملزم کو  پولیس نے گرفتار کرلیا۔ پولیس کے مطابق گزشتہ روز کراچی کے علاقے اتحاد ٹاؤن گلشن غازی میں اپنی 20 سالہ بہن سویرا کو گولیاں مار کر قتل کرنے والے ملزم کو گرفتار کرلیا گیا ہے۔پولیس حکام کا بتانا ہے کہ ملزم نے اپنی بہن کو ذاتی رنجش پر قتل کیا تھا اور ملزم واقعہ کے بعد سے فرار تھا۔پولیس کے مطابق گرفتار ملزم سے قتل میں استعمال ہونے والا پستول بھی برآمد کرلیا گیا ہے جب کہ ملزم سے مزید تفتیش اور قانونی کاروائی کی جارہی ہے۔