مریدکے(نامہ نگار) تین دن ہو گئے، کھوڑی گاؤں کی جنوبی آبادی کو بجلی کی سپلائی بحال نہ ہوسکی۔ تفصیلات کے مطابق 72 گھنٹے پہلے گاؤں کا ٹرانسفارمر خراب ہوا۔ گاؤں والوں نے بروقت لیسکو مریدکے حکام کو آگاہ کیا لیکن ابھی تک بجلی کی سپلائی بحال نہیں ہو سکی۔ بجلی کی اس طویل ترین لوڈ شیڈنگ نے مقامی مکینوں کی حالت قابل رحم بنا رکھی ہے۔ گرمی اور حبس، نیز پانی کی شدید قلت نے روزمرہ امور کی ادائیگی کو شدید دشوار کر رکھا ہے۔ اہل دیہہ نے وفاقی وزیر بجلی و پانی، لیسکو چیف، مقامی ایکسیئن کے علاوہ مقامی نمائندوں سے فوری مدخلت کی اپیل کی ہے۔