مریدکے(نامہ نگار)سٹی پریس کلب مریدکے کے نومنتخب عہدیداروں کی حلف برداری کی تقریب کاروباری شخصیت سید زاہد حسین گیلانی کی رہائشگاہ پر ہوئی۔ مہمان خصوصی وفاقی وزیر صنعت و پیداوار رانا تنویر حسین نے عہدیداروں سے حلف لیا۔ اس موقع صفدر علی خاں، عباس علی تبسم، شہباز خان، محمد اسلام غازی، قاری محمد رمضان سمیت اہم شخصیات نے شرکت کی۔ پروفیسر محسن نقوی اور پروفیسر افتخار احمد نے نقابت کے فرائض سرانجام دئے۔ وفاقی وزیر نے نومنتخب عہدیداروں چیئرمین ڈاکٹر قمر منیر، چیئرمین سپریم کونسل اللہ رکھا عامل، لائف چیئرمین ملک مسعود اعوان، صدر رانا جعفر، سیکرٹری جنرل بابر شکیل ہاشمی، سینئر نائب صدر عمران صدیق شیخ اور دیگر کو مبارکباد پیش کی اور تقریب میں شامل طلباء طالبات اور معززین شہر میں اپنے بیٹے کے نام سے موسوم رانا سرمد شہید گولڈ میڈل ایوارڈز تقسیم کیے۔