راولپنڈی(اپنے سٹاف رپورٹر سے)راولپنڈی کینٹ بور ڈ نے امام بارگاہوں اور جلوس کے روٹ پرتمام ترصفائی کے انتظامات کو حتمی شکل دید ی جلوس کے روٹ پر صفائی،سٹریٹ لا ئٹس اور دیگر مرمتی کام شروع کردیاگیا،الیکٹر ک برانچ اور واٹر ٹینکر کی گاڑیاں جلو س کے ساتھ ساتھ ہوں گی تاکہ عزاداروں کو کسی قسم کی پر یشانی کا سامنا نہ کرنا پڑے جلو سوں کے راستوں میں پانی کی سپلائی کا دورانیہ بڑھانے کا فیصلہ کیاگیاہے جبکہ کینٹ کے تمام امام بارگاہوں اور قبرستانوں میں گھاس اور جھاڑیوں کی کٹائی کا کام آخری مراحل میں داخل ہوچکاہے ورکرز کی چھٹیاں منسوخ کرتے ہوئے اضافی تعداد میں انکی ڈیوٹیاں لگا دی گئی ہیں اس موقع پرایگزیکٹو آفیسر سیدعلی عرفان رضوی کہناہے کہ شہری بھی صفائی عملے کے ساتھ تعاون کریں کنٹونمنٹ جنرل ہسپتال 24گھنٹے کھلا رہے گا ۔