اسلام آباد(اپنے سٹاف رپورٹر سے ) میٹرک بورڈزنتائج  2024 میں الا ئیڈ سکولز اورپنجاب کالج کے طلباء نے 7 ٹاپ پوزیشنزحاصل کر لیں،گزشتہ روز اعلان کردہ میٹر ک بورڈزنتائج2024 میں الائیڈ سکولز اورپنجاب کالج )سکول ڈویژن( کے طالب علموں نے شاندار کارکردگی کا مظاہرہ کرتے ہوئے 7 پوزیشنز حاصل کر لیں۔ پنجاب کالج تلہ گنگ چکوال کی ہونہار طالبہ اقصیـ نور نے راولپنڈی بورڈ میں 1185نمبروں کے ساتھ مجموعی طور پر پہلی پوزیشن اپنے نام کی اور الائیڈ سکول شیخوپورہ کی عبیرہ اصغر نے لاہور بورڈ میں1179نمبروں کے ساتھ مجموعی طور پر تیسری پوزیشن حاصل کی۔ دونوں طالبات سائنس گروپ میں بالترتیب پہلی اور دوسری پوزیشن کی حقدار ٹھہریں۔ الائیڈ سکول بورے والا اور کبیر والا کی رمشا رفیق اور انزہ سلطان ملتان بورڈمیںسائنس گروپ میں تیسری پوزیشنز کی حقدار ٹھہریں جبکہ پنجاب کالج تلہ گنگ  کے محمد واصل مینام نے سائنس گروپ (بوائز) میںتیسری پوزیشن حاصل کی ۔