گوجرخان ، یوم شہادت خلیفہ دوم حضرت عمر فاروقؓ عقیدت و احترام سے منایا گیا 

 گوجرخان (نامہ نگار)گوجرخان میں یوم شہادت خلیفہ دوم حضرت عمر فاروقؓ عقیدت و احترام سے منایا گیا خلیفہ ثانی کی یاد میں مختلف مساجد میں محافل کا انعقاد کیا گیا اس سلسلے میں جامع مسجد سیرانی ہاؤسنگ سکیم نمبر 1 میں مفتی مختار علی رضوی کی زیر صدارت محفل ہوئی تلاوت قرآن مجید سے محفل کا آغاز کیا گیا نعت اور منقبت کے بعد خطابات کا سلسلہ ہوا اسٹیج سیکرٹری کے فرائض قاری محمد اکسیر رضوی نے ادا کیے علامہ محمد رفیق بندیالوی، حافظ محمد نعمان،قاری عابد حسین رضوی اور استاذ العلماء مفتی عاصم یاسین مدنی نے محفل سے خطاب کرتے ہوئے حضرت عمر فاروقؓ کے فضائل و مناقب بیان کیے اختتامی دعا مفتی مختار علی رضوی نے کی جبکہ ضلعی امن کمیٹی کے رکن راجہ عبدالصبور کیانی، مرکزی میلاد کمیٹی کے راجہ واجد چوہان، نصیر چشتی اور معروف تاجر شیخ محمد اسلم نے محفل میں خصوصی شرکت کی ادھر سکھو روڈ پر نثار پکوان سینٹر کے مالک نثار عطاری کی زیر نگرانی سالانہ محفل بسلسلہ شہادت حضرت عمر فاروقؓ کا انعقاد کیا جس میں مرکزی میلاد کمیٹی،تاجر برادری اور عوام کی بڑی تعداد نے شرکت کی۔