سہیل احمد کیساتھ خوشگوار احساس کو بیان نہیں کر سکتا: افتخار ٹھاکر

لاہور (این این آئی) کامیڈین اداکار افتخار ٹھاکر نے کہا ہے کہ سہیل احمد بڑا اداکار ہونے کے ساتھ ساتھ نفیس انسان بھی ہیں اور انکے ساتھ کام کرنے کا جو خوشگوار احساس ہوتا ہے وہ لفظوں میں بیان نہیں کر سکتا۔ سہیل احمد میرے سینئر ہیں اور میںنے انکی اداکاری سے بہت کچھ حاصل کیا ہے ۔ سہیل احمد کا شمار پاکستان کے بڑے فنکاروں میں ہوتا ہے اور جن اداکاروں نے ان کے ساتھ کام کیا ہے وہ سہیل احمد کی اداکاری سے بیحد متاثر ہیں اور میں خود کو بھی خوش قسمت تصور کرتا ہوں کہ مجھے بھی سہیل احمد جیسے بڑے فنکار کے ساتھ اداکاری کا موقع ملا ۔انہوں نے کہا کہ سہیل احمد میں یہ خصوصیت ہے کہ وہ اپنے جونیئرز کو نہ صرف سکھاتے ہیں بلکہ انہیں پرموٹ بھی کرتے ہیں ۔