سہ ملکی ون ڈے سیریز:جنوبی افریقہ نے آسٹریلیا کو 47رنز سے ہرادیا

جمیکا (سپورٹس ڈیسک)ویسٹ انڈیز میں جاری سہ فریقی ون ڈے کرکٹ سیریز کے تیسرے میچ میں جنوبی افریقہ نے آسٹریلیا کو 47 رنز سے شکست دے دی ہے۔آسٹریلیا کی پوری ٹیم 190 رنز کے ہدف کے تعاقب میں 32.4 اوورز میں صرف 142 رنز پر ڈھیر ہو گئی۔ آٹھ بیٹسمینوں کا سکور دوہرے ہندسوں تک پہنچنے میں ناکام رہا۔ ربادا نے تین، وین پارنل اور عمران طاہر نے دو دو کھلاڑیوں کو آؤٹ کیا۔ جنوبی افریقہ نے ٹاس جیت کر پہلے بیٹنگ کرنے کا فیصلہ کیا۔ ہاشم آملہ اور کوئنٹن ڈی کاک نے اننگز کا آغاز کیا اور مقررہ 50 اوورز میں نو وکٹوں پر 189 رنز بنائے۔ فرحان بہار الدین نے 62 جبکہ ہاشم آملہ نے 35 رنز بنائے۔ ہیلز وڈ، میکس ویل اور نیتھن نائل نے دو، دو جبکہ نیتھن لیون اور ایڈم زامپا نے ایک ایک کھلاڑی کو آؤٹ کیا۔