بزرگ سیاستدان رسول بخش پلیجو جنگ شاہی کے آبائی قبرستان میں سپردخاک

ٹھٹھہ (صباح نیوز)بزرگ سیاستدان اور عوامی تحریک کے بانی رسول بخش پلیجو کی نماز جنازہ جنگ شاہی میں واقع ان کے آبائی علاقے منگارخان پلیجو گراﺅنڈ میں اداکردی گئی، مرحوم کو سینکڑوں سوگواروں کی موجودگی میں آبائی قبرستان میں سپرد خاک کر دیا گیا، نماز جنازہ میں سیاسی رہنماﺅں ، کارکنوں اور عوام کی بڑی تعداد نے شرکت کی ۔تفصیلات کے مطابق بزرگ سیاستدان اور عوامی تحریک کے بانی رسول بخش پلیجو کی نماز جنازہ جنگ شاہی میں واقع ان کے آبائی علاقے منگارخان پلیجو گر اﺅنڈ میں اداکردی گئی، مرحوم کو آبائی قبرستان میں سپرد خاک کر دیا گیا ۔جنازے میں سیاسی رہنماﺅں اور کارکنوں کی بڑی تعداد شریک تھی جنہوں نے مرحوم کے اہل خانہ سے تعزیت کی۔سینئر سیاستدا ن اور قوم پرست رہنما رسول بخش پلیجو گذشتہ روز کراچی کے نجی ہسپتا ل میں 88سال کی عمر میں انتقال کر گئے تھے، وہ دل اور سانس کے عارضے میں مبتلا تھے۔
سپردخاک