ساہیوال(نمائندہ نوائے وقت) مزدور پلی پر شوارما پوائنٹ پر گیس سلنڈر پھٹ جانے سے دھماکہ آگ بھڑک اٹھنے سے دکاندار سمیت 14افراد جھلس گئے چار کی حالت تشویشناک ہے۔ ساہیوال کے با رو نق مزدور پلی شوارما پوائنٹ کے دکاندار عمران کی دکان پر گیس سلنڈر لیکج سے پھٹ گیا جس سے دھماکہ ہوا۔دھماکہ کی آواز دور دور تک سنی گئی۔ دھماکہ کے بعد آگ نے گاہکوں اور دکاندار کو اپنی لپیٹ میں لے لیا جس سے 14 افراد جھلس گئے جن میں دکاندار عمران، اسکا بھائی عرفان، مشتاق، نصیر، زبیر، وسیم عباس، مختار احمد، نقاش علی، کلیم اللہ، سلیم اور چار نامعلوم افراد شامل ہیں۔ 9 زخمیوں کو تشویشناک حالت کے پیش نظر جناح ہسپتال لاہور ریفر کردیا گیا جن میں دوکاندار عمران، اسکا بھائی عرفان، احمد، خضر حیات، عبدالرحمن، طیب، شعبان اور خوشی محمد شامل ہیں۔ ریسکیو 1122کی گاڑیوں نے ہسپتال پہنچایا لیکن ائرکنڈیشنز ایمبولینسز نہ ہو نے کی وجہ سے مریضوں کو شدید مشکلات کا سامنا کر نا پڑا اور ہسپتال جاتے جاتے مریضوں کی حالت خراب سے خراب تر ہوئی۔ شہریوں نے نگران وزیرا علیٰ سے ریسکیو 1122کی ضلعی آفیسر کے خلاف سخت نوٹس لینے کا مطالبہ کیا۔بعد ازاں پولیس نے دکاندار کے خلاف مقدمہ درج کر لیا۔