اسلام آباد، بلیو ایریا میں میٹرو بس ٹریک پھلانگنے کی کوشش، نوجوان بس سے ٹکرا کر جاںبحق

اسلام آباد(وقائع نگار) تھانہ کوہسار کی حدود میں ایک شہری میٹروبس کی زد میں آکر جاں بحق ہوگیا ہے پولیس کے مطابق تھانہ کوہسار کی حدود میں بس ٹریک کے ساتھ جنگلا توڑ کر پیدل چلنے والوں نے راستہ بنالیا ہے جو حادثات کا سبب بن رہا ہے گزشتہ روز بھی مذکورہ واقعہ اسی نوعیت کا تھا آزاد کشمیر کے رہائشی فیصل سعید جو سعودی پاک ٹاور میں اے سی ٹیکنیشن کا کام کررہاتھا نے بلیوایریا میں میٹرو کے ٹو ٹے جنگلے سے ٹریک پار کرنے کی کوشش کی تو میٹرو بس کی زد میں آکر زخمی ہو گیا جسے طبی امداد کے لیے پمز ہسپتال منتقل کیا گیا تاہم زخموں کی تاب نہ لاتے ہوئے اس کی موت واقع ہو گئی ہے ۔