رمضان سکواش چیمپئن شپ معین رئوف ‘ کاشف آصف‘ ارسلان رمضان‘عبدالقادرکی سیمی فائنل میں رسائی

لاہور (سپورٹس رپورٹر+نمائندہ سپورٹس) دوسری ا ایس اینڈ جی پی ایل رمضان سکواش چیمپئن شپ کے پہلے روز جونیئر اور سینئر کیٹیگری میں پہلے اور دوسرے رائونڈز کے میچز مکمل ہوئے۔ ایس اینڈ جی پی ایل کے سپورٹس سیل کے سیکرٹری اشرف ندیم ،منیجر سوئی گیس سکواش ٹیم فرخ امین، سیکرٹری پنجاب سکواش ایسوسی ایشن شیراز سلیم، نائب صدر طارق فاروق رانا، ٹورنامنٹ ریفری عاصم امین، محمد شعیب، شاہد اورکھلاڑیوں کی اچھی تعداد موجود تھی۔مینز سینئر میں پہلے کوارٹرفائنل معین رئوف نے حمزہ بھٹی کو، کاشف آصف نے زین رحمان کو، ارسلان رمضان نے محمد فرحان کو، عبدالقادر نے احسان رحمان کو ہرا دیا۔ پہلے رائونڈ میں ذین رمضان نے محمد زاہد کو، محمد فرحان نے شہزاد علی خان کو، ارسلان رمضان نے ملک معیز کو، حمزہ بھٹی نے خضر قاسم کو، معین رئوف نے محمد عثمان کو، احسان رحمان نے آصف محمود کو، عبدالقادر نے معاز خان کو، کاشف آصف نے احسان علی کو ہرا دیا۔ جونیئر کیٹیگری کے پہلے رائونڈ کے میچز میں عبداللہ ندیم نے حمزہ شوکت کو، افنان مدثر نے محمد دین حارث کو، عاشر بٹ نے ارسلان شارق کو، آصف نے محمد زبیر کو، عبدالرشید نے طلحہ بن زبیر کو، محمود محبوب نے فصیح کو، صلاح الدین نے ابراہیم نعیم کو سے جبکہ آٹھویں اور پہلے رائونڈ کے آخری میچ میں انس بخاری نے دائود کو ہرایا۔