کھلاڑیوں کی اہرام مصر کے اوپر سکائی ڈائیونگ

لاہور(سپورٹس ڈیسک ) جانبازوں نے ایڈونچر کا شوق پورا کرنے کیلئے اہرامِ مصر کا انتخاب کیا۔یہ کھلاڑی جہاز کے ذریعے 15ہزارفٹ آسمان کی بلندی پر پہنچے اورجہاز سے چھلانگ لگاتے ہوئے نہ صرف اہرام مصر کے گرد اسکائی ڈائیونگ کا شاندار مظاہرہ کیا بلکہ کرتب بازی کا شوق بھی بھرپور انداز میں پورا کیا۔اس کے بعد یہ کھلاڑی پیراشوٹ کی مدد سے با آسانی زمین پر ایسے اْتر آئے کہ جیسے یہ اْن کے بائیں ہاتھ کا کھیل ہو۔