برطانیہ میں نسل پرستانہ مظاہروں کو غنڈہ گردی سے خراب کیا گیا:بورس جانسن

لندن (این این آئی )برطانوی وزیر اعظم بورس جانسن نے کہا ہے کہ برطانیہ میں نسل پرستی مخالف مظاہروں کو غنڈہ گردی کرکے خراب کردیا گیا ہے۔ پرامن مظاہروں کو غنڈہ گردی کی بھینٹ چڑھانے والوں کو جوابدہ ٹھہرایا جائے گا۔میڈیارپورٹس کے مطابق جانسن نے ٹویٹر پر کہا کہ لوگوں کو معاشرتی دوری کو مدنظر رکھتے ہوئے پرامن احتجاج کرنے کا حق ہے لیکن انہیں پولیس پر حملہ کرنے کا کوئی حق نہیں ہے۔انہوں نے مزید کہا کہ مظاہرے غنڈہ گردی کے ذریعہ بگاڑ دیئے گئے ہیں اور وہ اس مقصد کے ساتھ خیانت کر رہے ہیں جس کی وہ حمایت کرتے ہیں۔ ان کے ذمہ داروں کو جوابدہ کیا جائے گا۔