انٹرنیشنل ہاکی فیڈریشن نے ورلڈ کپ میں ایشین ٹیموں کا کوٹہ بڑھادیا

لاہور( سپورٹس رپورٹر+نمائندہ سپورٹس) پاکستان اور ایشین ہاکی فیڈریشن کی کوششیں رنگ لے آئیں پاکستان اورایشین ہاکی کیلئے بڑی خبر، انٹر نیشنل ہاکی فیڈریشن نے ورلڈ کپ میں ایشین ٹیموں کا کوٹہ بڑھا دیا، اب ایشیا کی تین ٹاپ ٹیمیں براہ راست ورلڈکپ کیلیے کوالیفائی کریں گی۔ نئے کوٹہ سسٹم کے تحت ہاکی ورلڈکپ 2022 میں ایشیا کی تین ٹیمیں کوالیفائی کریں گی، ایف آئی ایچ کے اس فیصلے کے بعد آئندہ برس ہونیوالے ایشیا کپ میں پہلی تین پوزیشنز پرآنے والی ٹیمیں براہ راست ورلڈکپ کے لئے کوالیفائی کریں گی۔ اس سے پہلے صرف ایشیا کپ کی فاتح ٹیم ورلڈکپ کیلیے کوالیفائی کرتی تھی۔